الخميس، 20 أكتوبر، 2011

مواصفات ومميزات وعيوب وسعر موبايل سامسونج تشامب دوس بخطين Samsung E2652W Champ Duos


اليوم بمشيئة الله تعالى سوف اتناول معكم تحليل هاتف هو موجود فى السوق وخاصة المصرية منذ عدة أشهر وهو موبايل سامسونج شامب دوس او سامسونج ابو شريحيتين ، ونبدا على بركة الله 
المواصفات الاساسية للهاتف
يعمل الهاتف على شبكة الجيل الثانى ويدعم شبكات  GSM 900 / 1800 / 1900 سواء على الشريحة الاولى او الشريحة الثانية ، وقد تم انتاج الهاتف فى شهر فبراير من عام 2011 وتم نزوله الى الاسواق فى نفس الشهر ، والموبايل وجد سوقا له فى مصر والشرق الاوسط ويتمتع الموبايل بحجم صغير وابعاده هى 13*54.9*99.9 مم ووزنه حوالى 99 جرام فهو خفيف الى حد كبير على اليد وهو يملك شاشة لمسية يصل حجمها الى 2.6 بوصة وبدقة وضوح للشاشة 320*240 بيكسل ويملك واجهه من نوع TouchWiz Lite UI وطبعا كما قلت الشاشة لمسية ويوجد فى اسفل الهاتف ثلاثة ازرار ، الاول لفتح وغلق الهاتف ورفض المكالمات والثانى للخروج من الشاشة اللمسية والثالث للموافقة على اجراء المكالمة او الرد على المكالمات ، نأتى الى الاصوات فى الهاتف فهو يدعم نغمات MP3 او الصوتية وبه مكبر صوت وفتحة 3.5 مم من الاعلى لسماعة الرأس التى تتمتع بخاصية الصوت استريو ، وعن ذاكرة موبايل سامسونج شامب ابو خطين فهو يستطيع تحمل 1000 رقم بالصور لكل صاحب رقم والذاكرة الداخلية 50 ميجا بايت ويملك مكان لكارت ذاكرة خارجى يتحمل حتى 16 جيجا بايت ويوجد مكان الكارت فى ظهر الهاتف بعيدا عن البطارية وبجواره مكان للخط او الشريحة الثانية بحيث انه يمكنك تغيير احد الخطوط دون ازالة البطارية كما يوجد الخط او الشريحة الاخرى تحت البطارية ، اما عن امكانيات نقل البيانات فى الجوال فهو يدعم GPSA و EDGE ، وللاسف لايمتك الهاتف امكانية تدعيم خدمات الجيل الثالث او 3G ، وبالهاتف الانترنت الوايرلس او الواى فاى ، ولكن لابد لكى تستطيع تشغيل هذه الخدمة ان يكون الروتر نفسه لاسلكى وبالتأكيد ليس عليه كلمة سر ، والبلوتوث موجود باصدار 2.1 ، كما يوجد منفذ لليو اس بى USB فى اعلى الهاتف مزود بباب لغلق المنفذ لحمايته من الاتربة وعوامل الجو كما ان عملية شحن الهاتف تتم مهذا المنفذ ، نأتى الى شئ مهم فى اى موبايل وهى الكاميرا وهى هنا بدقة 1.3 ميجا بيكسل ولكن بجودة الى حد ما جيدة غير كاميرات التليفونات الصينى طبعا ويستطيع الهاتف بالتاكيد تصوير الفيديو ويملك امكانية الزووم والتصغير والتكبير للصور ، وبالاكيد فأنك تستطيع تصفح الانترنت من على الهاتف وبه واجهات للشبكات الاجتماعية المعروفة مثل الفيس بوك وتويتر واليكسا وغيرها وايضا بحث جوجل والجى ميل ، وموبايل تشامب دوس به خطين كما قلنا ويوجد زر فى احدى جوانب الهاتف للتغير الفورى الى الشريحة التى تريد اجراء الاتصال منها ، وايضا الهاتف اظن ان به ميزة أخرى مهمه وهى امكانية قفل الشاشة حيث يوجد زر فى جانب الهاتف لاغلاق او فتح الشاشة وخاصة كما نعرف ان الشاشة لمسية فذلك يمنع عبث الاطفال ولحماية الشاشة ،كما يوجد بالهاتف قلم لاستخدامه فى التحويل بين التطبيقات المختلفة الموجودة على الشاشة اللمسية حتى ان كانت ايدك متسخة لا تقوم بتلويث الشاشة او عمل بقع مائية عليها ، ويدعم موبايل شامب دوس  تشغيل ملفات الفيديو بالصيغ الاتية MP3/WMA/eAAC+ و MP4/H.263 ، والجديد ان الهاتف يأتى وعليه بعض التطبيقات الاسلامية وهم اربع تطبيقات اسلامية  تطبيق اوقات الصلاة وتطبيق الزكاة ويساعدك فى حساب الزكاة المستحقة عليك وتطبيق اتجاه القبلة وتطبيق القرءان الكريم ، كما تستطيع التوجه الى موقع تطبيقات سامسونج من على المتصفح الخاص بالهاتف وتحميل التطبيقات التى تريدها وهناك التطبيقات المجانية والتطبيقات الاخرى المدفوعة ،وتستطيع ايضا تحميل الالعاب المناسبة للهاتف لان الهاتف يدعم تقنية Java الجافا ، وقبل ما انسى يوجد بالهاتف راديو اف ام ستريو ولابد من وضع سماعة الرأس لتشغيل الراديو لان السماعة تعمل كهوائى للراديو ، اما عن الالوان المتاحة للموبايل فهى اللون الاسود واللون الابيض ، وعن البطاريه فهى من نوع Standard battery, Li-Ion 1000 mAh وتستطيع ان تتحمل حتى 470 ساعة وقت استعداد وحتى 14 ساعة كاستخدام للهاتف فى التحدث هذا على حسب موقع الهاتف اما عن التجربة فلا أظن ذلك فهى تتحمل حتى من 3 الى 5 ايام للاستخدام العادى او المتوسط .
الاسعار 
نأتى الى الجزء الذى ينتظره الكثيرين وهو سعر موبايل سامسونج تشامب دوس Samsung E2652W Champ Duos ابو شريحتين فهو فى مصر يصل الى 670 جنيه حسب المكان اللى هتشترى الموبايل منه .
عيوب الهاتف 
من وجهة نظرى هناك بعض العيوب فى الموبايل منها ان الجهاز او الموبايل بيهنج احيانا وده تسطيع حله عن طريق عمل ريستارت او تقفل الموبايل وتفتحه تانى وخلاص ، العيب الثانى انك صعب تلاقى الاكسوار الخاص بالموبايل فى الاسواق او محلات الموبايل ، كمان لو الهاتف لا قدر الله حصله حاجه بيقعد فى الضمان فترة كبيرة عقبال ما يخلص .
وجهة نظرى فى الموبايل من خلال الاستخدام فهو موبايل جيد الى حد كبير ومواصفاته ملائمة للسعر ويلائم الطبقة المتوسطة او الشباب فى المجتمع المصرى خصوصا، وارجو ان تترك تعليقك على الهاتف .

إشتــــرك يصــــلك كل جديــــد:
*ستصلك رساله على ايميلك فيها رابط التفعيل برجاء الضغط عليه حتى يكتمل اشتراكك*

اذا اردت الوصول الى المدونة مرة اخرى بشكل سريع ، فقط أكتب فى جوجل مدونة " اسعار ومواصفات الموبايلات " ، تسعدنا زيارتك مرة أخرى

30 التعليقات:

الموبايل تحفه والله و سعره جميل في الكويت

والله الجوال حلو جدا

سعره ف السعودية 299 ريال وانا بفكر اشتريه

انا الصراحة عجبني الجوال بفكر اشتريه سعره حلو وانا خصوصا من اللي بيحبو الواي فاي والحجات دي هو مناسب ليه بس عندي سؤال هوا لازم عشان اتصل بالراوتر (مودم) لازم يكون الشبكة من غير باسويرد لوكان كلامي صح يبقى ده عيب كبير فيه ارجو الرد بسرعة وشكراَ

موضوع الباسوورد ده بيبقى من الراوتر او صاحب الراوتر لان هو اللى بيعمل باسورد او لا ، يعنى على سبيل المثال انت بتقوم بالبحث عن الراوتر الواى فاى والموبايل بيبحث بالفعل وبيعثر على الرواتر اللى موجوده فى المنطقة اللى انت موجود فيها ، اما عملية الاتصال بالراوتر نفسه دى مش مشكلة الهاتف وانما لابد ان يكون معاك تصريح او الباسورد اللى بيتيح لك الدخول على الانترنت من خلال الراوتر ده او غيره ، ارجو ان اكون وضحت ما تريد ان تعرفه

شكرا على الرد السريع

بس ممكن سعره حاليا في السعودية

حوالى 300 الى 350 ريال سعودى تقريبا

اه عندي سؤال تاني هوا في نوع بي وايفي ونوع من غير واي فاي ؟

ايوة فعلا موبايل سامسونج تشامب دوس يوجد نوعين منه ، الاول لايعمل الا بشريحة واحدة وليس به انترنت واى فاى ، والثانى الا هو الموضوع هنا عليه بيشغل شريحيتين وفيه واى فاى ، وصراحة ياجماعة الموبايل جميل جدا وفى مميزات كتير مش موجود فى موبايلات تانية ، وعلى فكرة الموبايل ده معايا حاليا

من فضلكم اريد معرف اذا كان المبيل يمكن تحميل السكاى بى عليه او الياهو ولا لا ارجو الرد سريعا

طيب ممكن عرف سعر المستعمل يوصل لكام بليز انا محتاجة موبايل وبابا رفض بسبب الاسعار وانا عايزة الموبايل ده بليز

هو الموبايل فعلا جميل وعملى بجد ، وسعره جديد حاليا حوالى 630 جنيه تقريبا ، وممكن المستعمل منه يصل سعره الى 400 او 450 جنيه على حسب الاستعمال وممكن السعر يقل او يزيد عن كده على حسب الاستعمال وظروف الموبايل

والله روعه بس انا عايزه اعرف هو في الاوامر الصوتيه ولا لأ بليز الي يعرف يرد بسرعه

اريد كيفية تحميل العاب على الفون ده واذاى اشغلها بليز ارجو الرد السريع

الموبايل مش موجود يه اوامر صوتية زى الايفون لو كنت تقصد كده ، اما الاخ اللى عاوز يحمل عليه العاب ، فمن خلال الدخول على موقع سامسونج من على الموبايل ، وهتلاقى حاجات وتطبيقات والعاب كثير نزل اللى انت عاوزه ومعظمها مجانا

من فضلكم هو سعر الموبايل ده دلوقتى كام وفين صنع ارجو الرد سريع وكل عام وانتم بخير

سعر الموبايل دلوقتى تقيربا نسخة الواى فاى حوالى 550 الى 600 جنيه تقريبا ، وموجود فى معظم محلات بيع الموبايلات

من فضلك اخى كرم ازاى اعرف انه واى فاى لان ان معى تليفون بس اللغة انجلش بس ومش عارف هل فى نسخة انجلش بس ولا ايه وتنصحنى بايه اخده ولا لاه

موبايل سامسونج تشامب دوس فى منه نسخة عادية ونسخة الواى فاى ، وفى نسخة الواى فاى سوف تجد علامة الانترنت الواى فاى مكتوبة اعلى شاشة التليفون وتحت السماعة الخارجية مباشرة ، اما بالنسبة للغة الانجيلزية ، فتستطيع تغير اللغة من خلال
setting ثم
phone ثم
language ثم
اختار اللغة العربية

اخى كرم حاولت ولا يوجد فى اللغات الا اللغة الانجليزية فقط

على فكرة انا معايا الموبايل ده ومن سنة ، وهو بيدعم اللغات العربية والانجليزية والفارسية والفرنسية والاردو بالاضافة الى وضع تلقائى وهو الاساسى مع الهاتف ، ولكن لاادرى وضع الهاتف اللى معاك ، صراحة لا اعلم " ومن قال لا اعلم فقد افتى " ولكن حاول مرة اخرى ان تضغط على مربع اللغة ، فمن الممكن ان اللغات موجودة وانت لم تنتبه لها

لو سمحت انااشتريت الموبيل gt_c3303kبس هو بخط واحد فمن حوالي شهربدات اسمع صوت الشخص المتصل بي انا سمعته بس صوتي مش واصل ليه ومش سامعني خالص هي سماعات الصوت باظت ؟لوسمحت ايه الحل مع العلم انه مافيش اي مياه لمسته حتي انا حافظته بجراب

من فضلك انا اشتريت موبيل سامسونج تشامب بس هو بخط واحد من حوالي 11شهر ومن فتره لما بتصل بشخص اوشخص بيتصل بيا صوتي بقي مش مسموع ابدا لهذا الشخص بس انا سمعته لصوته هو في مشكله في سماعه الصوت مع العلم انه مافي اي ميه لمسته وانا حافظته بجراب ولو باظ مين يصلحه

ده موبيلي بس هو معايا من 11شهر بس من فتره صوتي بقي مش مسموع للشخص المتصل بس انا بسمع صوته

من الافضل تودية لاحد محلات الصيانة اذا كان خارج الضمان

انا عايزه اجيبه بس عندى سؤال
هو الصوت بتاعه عالى ولا لا
يعنى لما اشغل mp3
او لما حد يتصل بيا بيكون صوته عالى ولا ايه
لو سمحتم الرد بسرعه لانى محتجاه
وكنت عايزه اعرف
ايه حكايه ان الصوت ميكونش مسموع دى بعد فتره من استعمال

وممكن حد يقولى على محل معين فى اسكندريه متاكد انى هلاقيه
وهلاقى اللون الابيض من فضلكم الرد

الموبايل صوته كويس مشع عالى قوى ولا صوته واطى قوى فى المتوسط ، ولما بتتكلمى مع اى حد ممكن تعلى وتوطى الصوت من زر الصوت اللى على الجنب ، الموبايل ده معايا بقاله حوالى سنه ونص وجميل جدا وعملى جدا ، بالنسبة ممكن تلاقيه فى الشناوى فى الاسكندرية او اى محلات بيع الموبايل العادية

الموبايل دا طيب دلوقتى سعروة كام و بينزل عليه الواتس اب ولا لا؟

هو الموبايل مش بينزل عليه واتس اب ، وسعره حاليا تقريبا فى مصر فى حدود 550 جنيه فى المتوسط ، بس مش عارف السعر بالظبط

إرسال تعليق

Twitter Delicious Facebook Digg Stumbleupon Favorites More